Тез әрі жеңіл қырыну, теріге нәзік жанасу, тітіркенудің болмауы, ыңғайлы сырғанау – әрбір мазаны алатын қылшықты ала отырып, барлық ер адамдардың армандайтыны осы. Сондықтан да қазіргі ер адамдар жүзі бар қарапайым ұстарадан  гөрі ыңғайлылығына, тиімділігіне және функционалдылығына тиісті бағасын бере отырып электрлі ұстараны таңдайды. Модельдерге таңдаудың көптігі соншалықты, дәп Сізге қай түрінің керек екендігін анықтау оңай емес. Егер ұстара сыйлыққа берілсе, мәселе тіптен қиындай түседі. Электрлі ұстараны сатып алғанда көмегін тигізетін құралдардың түрлері мен техникалық көрсеткіштеріне байланысты кейбір түсіндірулерді ұсынамыз .

Таңдаудың негізгі критерилері болып қолдану жиілігі, терінің ерекшелігі және шаштың құрылысы сияқты мәселелер болуы мүмкін. Осындай мәселелерге қарай ұстараның түрін таңдайтын боламыз .

Жұмыстың принципіне қарай ұстаралардың түрлері

Торлы ұстараның дірілдейтін жүзін терінің кесетін элементтерімен тікелей жанасуынан қорғайтын арнайы торша қаптап тұрады. Құралдар нәзік қырыну үшін жасалған, сондықтан ол сезімтал теріге, тез әрі қатты өсетін қылшаға жақсы келеді. Екінші жағынан қажетті әсерді алу үшін бір жерге бірнеше рет жанасу қажет. Қорғаныс торлары ұзаққа шыдайтын, мықты, коррозияға ұшырамайтын қорытпадан жасалады. Олар қалыңдығына, еніне және ену дәрежесіне қарай ерекшеленеді. Пышақтардың қайрауы, қалыңдығы,  минутына 2-4 мың айналымды құрайтын дірілдеу жылдамдығы әртүрлі болады. Торлы жабдықтардың бір, екі және үш ұстаралы бастары болады. Соңғы екі нұсқасы қылшақтарды өсуге қарсы бағытта қыру арқылы ең жақсы нәтижеге қол жеткізуге мүмкіндік береді. Ұстаралар мен торларды бір жыл немесе бір жарым жылда бір ауыстырып отыру керек .

Роторлы ұстаралардың құрылысында домалақ формадағы айналып тұратын пышақтары бар арнайы ұстаралы бастары болады. Бет және иектің контурына икемделеді, олар қалың шаштардың өзін тегістеп қырады. «Жүзетін» бастары Сіздің ыңғайыңызға қарай бұрылып, еңкейе алады. Ұстара бастары бекітілетін блок тұтқаға қарай ауыса алады. Өндірушілер қырынуды қауіпсіз етуге тырысса да роторлы ұстаралар торлы ұстараларға қарағанда әлдеқайда жуан болып келеді. Модельдер бірден үшке дейін болатын қыратын бастардың санымен ерекшеленеді. Сәйкесінше олар көп болған сайын, соғұрлым жақсы. Бастарының айналу жылдамдығында да өзгешеліктер бар. Роторлы ұстараларды пайдалануда терінің тітіркену мүмкіндіктерін төмендету үшін ылғал немесе арнайы көбік пен гельмен қырынуға назар аударыңыз .

Құрғақ және ылғал қырыну

Кейбір құралдарды тек құрғақ ортада ғана емес, сонымен қатар ылғал жерде де қолдануға болады.  Оларды жуып, сонымен бірге душ қабылдауға және қырыну кезінде көбікті пайдалануға болады. Тек құрғақ қырынуға арналған құралдар металл бөлшектерінің коррозияға ұшырауына байланысты суды ұнатпайды. Ылғал қырынуға арналған құралдарды құрғақ ортада да тиісті деңгейде пайдалануға болады .

Тоқ көзі

Электрлі ұстаралардың мезгілді түрде зарядталатын аккумулятор арқылы және желіге қосылғанда  жұмыс істейтін екі түрлі болады. Аккумуляторлы құралдар арнайы түпқоярда немесе желі сымы арқылы зарядталады. Стандартты батареялармен бірге, арнайы бір құралға арналған батареялар да болады. Аккумулятордың көлеміне де назар аударыңыз. Егер Сіздің өміріңізде жол жүрулер көп болса, зарядтауға минималды уақыт кетіріп, ұзақ уақыт үздіксіз жұмыс істей алатын  аккумуляторы бар ұстараларды таңдаған дұрыс. Никельді-гидридті аккумуляторлардың салмағы жеңіл болады, әрі зарядын ұзақ уақыт сақтап тұрады. Литий-ионды аккумуляторлар өте тез зарядталып, содан кейін автономды режимде көп уақыт жұмыс істейді .

Триммер

айдалы жүзіп жүретін саптама мұртты, сақалды, бакен бардты және ұзын қылшықтарды қысқартып, тегістеуге арналған .

Қосымша функциялар

·      Екі жүзді жүйе бірінші жүздің алдында тұратын, қылшықтарды көтеретін ұсақ тарақтардан және оны тікелей қиятын екінші жүзден тұрады.

·      Өзін-өзі тазалау жүйесі шаштардан және көбіктен автоматты түрде тазалайтын, ұстараны дезинфекциялайтын және құрғататын арнайы түпқоймадан тұрады. Процедура 1,5 сағатқа созылады. Жуу құрамымен бірге бір картридждің өзі 30 рет пайдалануға жетеді, содан кейін  оны ауыстыру қажет. Арнайы түпқоймасы жоқ құралдарда тазалайтын қылшақ қарастырылған. 

·      Батареяның зарядталу деңгейінің индикаторы зарядттау немесе қайта зарядттау қажеттігі туралы СК экранға сигнал береді. Кірлену дәрежесінің индикаторы тазалау қажеттігін білдіреді 

·     Желі кернеуінің орнатулары қолмен немесе автоматты түрде қалыптасқан кернеуге ыңғайлануға мүмкіндік береді. 

·     Қылшықтарды жинауға арналған алынап-салынатын отсек қырынудан кейін тазалық пен реттілікті сақтайды

·     Жолда блокқа қою қажеті жоқ кезде қосылып кетуден сақтау үшін арналған.  Жол жүргенде өте ыңғайлы.

·     Автомобиль тұтатқышындағы зарядтауға арналған адаптер, әрине көлікте зарядтауға арналған. 

·     Әрине,  анағұрлым ыңғайлы қырыну үшін құралдың салмағы сияқты көрсеткішті қарастыруға болады.